A Fundación Uxío Novoneira levará a cabo o IV Festival dos Eidos entre o 22 e o 28 de agosto de 2018 no Courel (Lugo). Serán cinco días dedicados á poesía, á música, á gastronomía e tamén ao audiovisual.
Na xornada de tarde do xoves 23 proxectarase Vértice de Versos (17:00 h.) na sede da fundación en Parada do Courel. Presentando o documental estará o seu produtor e director, Carlos Lorenzo. A continuación de Vértice de Versos proxectarase o tamén documental Versogramas, compartindo unha sesión de cine dedicada á poesía e os seus novos formatos.