A Asociación Cultural Barbantia, coa colaboración do Concello de Boiro, La Voz de Galicia e a Deputación da Coruña, presenta Vértice de Versos no Centro Social de Boiro. Será o venres 26 de outubro ás 20:30 h.
O documental será presentado polo director Carlos Lorenzo, que manterá ao final da proxección un coloquio cos asistentes.
No mesmo recinto abrirá ao público a exposición de Carlos Lorenzo e Olga Patiño, Territorio Acoutado, que mistura poesía e fotografía. A mostra estará presente ata o 23 de novembro.
Barbantia é unha activa asociación do Barbanza dedicada especialmente á literatura e que mantén un amplo programa de actividades.