O Festival Internacional de Poesía de Pontevedra PontePoética9, comezará a súa programación coa exhibición de Vértice de Versos na Casa das Campás. O documental, que presentará o seu director Carlos Lorenzo, proxectarase o mércores 10 de abril a partir das 19:30 h. Posterior á proxección, o poeta Ismael Ramos acompañará ao director nun faladoiro co público presente.
PontePoética é un festival que promove o Concello de Pontevedra, no que colabora o Ateneo de Pontevedra e que coordina Yolanda Castaño. Para a exhibición de Vértice de Versos cóntase coa colaboración da Vicerreitoría do Campus de Pontevedra da Universidade de Vigo.
